Колоритна салата со црвен грав
Состојки
- 1 парче марула
- 20, 30 листови рукола
- 250 гр брокула
- 1 конзерва 230г пченка
- 1 конзерва 400г црвен грав
- 2 големи рендани моркови
- 100 г зелени маслинки со пиперка
- 2 млади кромидчиња
- по желба маслиново масло
- по желба балзамиран оцет
- по желба соја сос
- по желба сол
Подготовка
Марулата, руколата, брокулата и младите кромидчиња јас најпрво ги потопувам во сад со ладна вода и 1 лажица сода бикарбона за да се одстранат делумно пестицидите со кои се прскани. Да одстојат барем 10 минути. За тоа време исецкајте ги на тркалца маслинките и изрендајте ги морковите. Исечете ги марулата, боркулата, руколата и младите кромидчиња, потоа додадете ги пченката и гравот од конзерва (може и претходно сами да си сварите), додадете ги и сецканите маслинки и ренданиот морков. Посолете, додадете маслиново масло, балзамико и соја сос по желба убаво промешајте. Послужете како предјадење. Добар апетит!