Лесна торта
Состојки
- 2 јајца
- 1чаша (200мл) шеќер
- 1чаша (200мл) млеко
- 1чаша (200мл) ореви млени
- 1чаша (200мл) брашно
- 1/2 чаша зејтин
- 2 лажици какао
- 1 пециво
- фил
- 750мл млеко
- 3 кесички пудинг од чоколада
- 300гр шеќер
- 150гр плазма бисквити
- 100гр локум
- 300гр мармалад од вишњи или малини
- 1 кесичка шлаг пена
Подготовка
За кората се ставаат јајцата со шеќерот во сад за матење и се матат, а потоа им се додаваат другите состојки, убаво се меша со лажица и се сипе смесата во плех па се пече.
Одкако ќе се испече се премачкува со мармалад и тоа во подебел слој.
Фил
Во зовриеното млеко се додава шеќерот и пудинзите и се вари додека се згусне. Смесата се трга да се олади и потоа се додава плазмата искршена на поситни парчиња и локумот исто така исецкан на тенки лентички.
Филот се меша и се истура врз мармаладот, а одозгора се мати шлагот се премачкува врз филот.
За најгоре јас искористив желе од малини и на крај го расчешлав.
Едноставна освежителна тортичка без маргарин, лесна што би рекол мојот брат торта на лажица.