Крем супа со ѓумбир, див ориз, печурки и морков
Состојки
- 4 средни моркови
- 2 главици кромид
- 400 г печурки
- 40гр свеж ѓумбир
- 2 листови ловоров лист
- 1 лажица био зачин
- 2 лажици ладно цедено сончогледово масло
- 1 лажица бел бибер во зрно
- 1 лажичка кари
- 3 чешниња лук
- 100 гр див ориз (или црвен, црн, интегрален ориз)
- неколку гранчиња магдонос
Подготовка
Дивиот ориз пред да се вари треба да одстои во вода 1 час, а потоа се вари 1 час со малку путер. 3 моркови, 1 главица кромид, 200 гр печурки, ѓумбирот и лукот ставете ги исечени на крупно во вода да се варат околу 20 минути со малку сол, масло, зрната бибар, лиситовите ловоров лист и био зачин. Потоа истите заедно со течноста (без ловоровиот ласт) ставете ги во блендер и изблендирајте ги да добиете каша. Остатокот од кромидот, печурките и морковот исечкајте ги на ситно и ставете ги да се пржат за да поруменат. Изблендираните состојки вратете ги во тенџере, додадете го претходно сварениот ориз и испржените состојки, додадете малку кари и исечкан магдонос и варете уште 5 минути за состојките да се соединат. Пријатно јадење!