Турски погачици
Состојки
- 250 мл млеко
- 40 гр квасец
- 70 гр маргарин
- 2 јајца
- 1 лажиче сол
- 1 лажиче шеќер
- по потреба брашно (500-600 гр)
- * За фил
- 250 гр сирење или урда
- 1 жолчка
- * За премачкување
- 1 белка
- малку сусам
Подготовка
Ставете го квасецот со шеќерот и 1 лажиче брашно во млакото млеко и оставете да се активира. За тоа време изгмечете го сирењето со вилушка и измешајте го со жолчката.
Во сад за месење скршете ги јајцата, додадете го активираниот квасец со млекото, омекнатиот маргарин и солта, па со брашното замесете глатко тесто.
Оставете да се дуплира. Потоа премесете го и оставете го повторно да се дуплира. Поделете го на мали топчиња.
Секое топче развлечете го овално со помош на сукалка врз набрашнетата работна маса. Исечете го по должина вертикално, премачкајте со фил и сролајте го дијагонално, накосо.
Вака зароланото тесто потоа завиткајте го во вид на полжав, како за мазник.
Погачиците премачкајте ги со белка и наросете ги со сусам. Печете ги на 200 степени околу 20 мин.