Супа со свежи шампињони
Состојки
- 1 поголема главица кромид
- 250-300гр. свежи шампињони (сецкани на кришки)
- 1 поголем морков (сецкан на кругови)
- 3-4 чешниња лук
- 1 компир
- 1/2 чаша кисела павлака
- 1 коцка за супа
- малку сол, кари, бибер
Подготовка
Прекрасна супа која ќе ве стопли во студените зимски денови...
Кромидот се сецка на месечинки и се запржува, да омекне на малку масло. Се додава сецканото лукче и шампињоните. По потреба се додава малку вода и се остава да се динста 10 минути.
Се додаваат сецканиот морков, компирот исецкан покрупно, 1 литар врела вода, коцката за супа и зачините.
Кога компирот ќе се свари, се вади настрана, се пасира и се враќа во супата.
Павлаката се раствора во малку вода и се додава во супата. По желба, на крајот, се додава сецкан магдонос.
Добар апетит!