Тулумби со млеко
Состојки
- 1/2 литар млеко
- 1/2 литар вода
- 6 лажици масло
- една кесичка пециво
- 450-500 гр. брашно
- 4 јајца
- Шербет
- 1/2 литар вода
- 2-3 лимони
- 700гр шеќер
Подготовка
Добро ни е познат рецептот за тулумби на сите, меѓутоа оваа варијанта со млеко многу ми се допадна. Го загреваме млекото, водата, маслото да зовријат и потоа го додаваме пецивото и брашното. Замесуваме средно тесто, оставаме да се олади и потоа додаваме едно по едно јајце. Со готовото тесто го полниме шприцот за тулумби, пржиме во загреано масло. Преку оладените тулумби преливаме жежок сируп. Сирупот го спремаме со загревање на водата, шеќерот, сокот од лимон.