Посна торта со пиво и ореви
Состојки
- Кора
- 500 мл пиво
- 250 гр шеќер
- 50 мл масло
- 200 гр мелени ореви
- 300 гр брашно
- 1 прашок за пециво
- 2 ванили
- 1 лажиче сода бикарбона
- Фил
- 500 мл вода
- 2 пакетчина пудинг од чоколада
- 250 гр шеќер
- 150 гр маргарин
- 150 гр мелени ореви
Подготовка
Подготовка на кората
Пивото, шеќерот, ванилата и маслото заедно мешајте ги додека се стопи шеќерот. Потоа додадете ги брашното, оревите, пецивото, содата и се заедно убаво измешајте да се изедначи смесата.
Истурете ја во намастен и набрашнет голем плех и ставете ја да се пече во претходно загреана рерна на 180 С околу 30 мин.
Подгответе го филот
Пудингот сварете го со водата и шеќерот и оставете го да олади.
Маргаринот пенесто изматете го, додадете го пудингот и на крај оревите.
Кората исечете ја вертикално на половина и филовајте ја на средината и горниот дел.
Тортата по желба можете да ја украсите со шлаг подготвен со вода или со мелени ореви.