Мешана зимска тава
Состојки
- 1 кисела зелка
- 500 гр мелено свинско месо
- 1лажица црн бибер
- 200 гр зејтин
- 3 главици кромид
- 2 парчиња праз
- 200гр. ориз
- 1 лажица црвен пипер
- 3супени лажици мешан зачин
- 1 литар топла вода
- 5 големи суви пиперки
- 2 ливчиња ловоров лист
- 3 лентички пушена сланина
Подготовка
Во загреано масло го пржиме ситно сецканиот кромид и праз. Откако ќе омекнат добро, се додава меленото месо и миениот ориз. Се пропржува додека месото не зарумени. Се зачинува со мешан зачин и на крај се додава црвениот пипер.
Смесата се трга од загреаната плоча. Во земјена тава се реди дел од преходно исецканата кисела зелка. Врз него се филува дел од смесата која ја приготвивме со месото, потоа ги додаваме ситно сецканите суви пиперки кои претходно сме ги потпекле малку на оган.
Постапката ја повторуваме се додека имаме фил и зелка. На крајот додаваме ловоров лист и полеваме со вода. Попрскуваме со масло и врз тавата редиме парчиња пушена сланина. Тавата ја ставаме да се пече на температура од 150 степени околу 60 минути. На здравје зимскиот ручек.