Ролнички од тиквичка со лосос стапчиња
Состојки
- РОЛНИЧКИ
- 1 тиквичка
- 200гр. крем сирење
- 50гр. пармезан
- 1 кришка леб(мекиот дел)
- малку магдонос
- малку лук во прав
- СОС
- 300гр, свежи шампињони
- 200мл. неутрална павлака
- 2лажици маслиново масло
- 3лажици пармезан
- ЛОСОС СТАПЧИЊА
- 300гр. свеж лосос
- 2 јајца
- по потреба брашно
- по потреба презла
Подготовка
Најпрвин исечете ја тиквичката на тенки листови и сосема малку запржете ги, извадете ги на кујнска хартија д се впие вишокот маснотија.
На секое парче тиквичка нанесете од крем сирењето.
Во блендер ставете го пармезанот , парчето леб,магдоносот и лукот во прав и убаво изблендирајте(исецкајте).
Од ова смеса нанесете на секое парче тиквичка и замотајте во ролат.
СОС
Во тава на оган ставете маслиново масло и печурките да се пржат. Откако водата ќе испари посолете, наросете црн бибер и додајте ги пармезанот и неутралната павлака. Промешајте додека сосос малку се згусти.
ЛОСОС СТАПЧИЊА
Лососот исечете го на правоаголни парчиња. Секое парче посолете го и свалкајте го во брашно, разматени јајца и во презла. Истото повторете го уште два пати за да бидат покрцкави.
Похованите парчиња лосос испржете ги во загреано масло и на крај извадете ги на кујнска хартија да се впие мрснотијата.
Напомена
Ако не можете да најдете свеж лосос, може да си спржите готови поховани стапчиња од риба.