Праз со мелено месо
Состојки
- 4-5 страка праз
- 700 грама мелено месо по желба
- 2 суви пиперки
- 1 лажичка сол и други зачини по вкус
- 10 лажици зејтин
- 2-3 лажици брашно
- 1 лажичка црвен пипер
Подготовка
Најпрвин го чистиме празот, го миеме и сецкаме поситно. Ги сецкаме и пиперките. Додаваме 7 лажици зејтин и солта и го пржиме празот додека убаво да омекне околу 30 минути.
Во друго тавче го ставаме меленото месо и остатокот од зејтинот, а по потреба може да се додаде плус, му додаваме зачини и го пржиме десетина минути. Кога празот е доволно омекнат го префрламе во сад за печење, го додаваме месото и промешуваме.
Во садче го раствораме брашното и црвениот пипер и го истураме во садот за печење. Добро го промешуваме со месото и празот. Печеме на 200 степени околу 30 минути колку да ни фати малку корка јадењето одозгора.
Јадењата со праз кај мене дома се омилени и ова е едно од нив. Се надевам ќе ви се допадне ова вкусно јадење. Добар апетит.
Напомена.
Доколку не сакате, брашно и црвен пипер не мора да додавате. Може и така и како што е запишано погоре.