Видео рецепт: Рибја чорба

Рибја чорба! Ова е чорба која ја загрева душата и во неа можете да уживате во било кој период од годината, но ние Ви ја препорачуваме како хранлив ручек во периодот кога деновите почнуваат да стануваат се постудени. Релативно е ефтина за подготовка и преполна е со здрави хранливи состојки!

Состојки

• 2 филети риба (со коската и кожата)
• 1 парче чистено филе од бела риба
• 1 кафена лажичка Шафран во прав
• 1 голем или 2 средни домати
• 1 главица црвен кромид
• 2 листа ловор
• Неколку зрна црн бибер
• 1 морков
• неколку стапчиња целер
• 1 коцка за супа од зеленчук
• 3 чешниња лук
• 1 чаша бело вино
• 1 кафена лажичка сол
• Вода да ги покрие состојките

Вид на оброк: Предјадење
Комплексност: Лесно
Лица: 4
Време на подготовка: 30-60 мин.

Подготовка

Чекор 1: Време е за сецкање: Крупно исечкајте го зеленчукот. Морковот, доматите, црвениот кромид, лукот и целерот. Нив подоцна ќе ги изблендираме, па затоа не морате да се грижите за нивниот изглед.

Чекор 2: Омекнете го потврдиот зеленчук во тава, но не дозволувајте да потемни. Не сакаме тој да добие боја, туку само да го омекнеме и да ги ослободи разните вкусови.

Зачинете со неколку зрна црн бибер и сол.

Потоа ставете ги исечканите свежи домати. Тие ќе и дадат боја на чорбата и ќе ја направат слатка и свежа!

Чекор 3: Следна ќе ја ставиме коцката за супа од зеленчук, па филетите од риба, белото вино и ловоровите листови.

Покријте ги состојките со вода и оставете ги да крчкаат. Во овој дел на подготовката сакаме вкусот на рибата да се распространи низ целата чорба, па затоа оставете ја на среден оган околу 10 минути. А можеби и подолго ако имате време.

Чекор 4: Време е за блендер! Убаво изблендирајте ја чорбата за да се ослободат соковите и вкусовите од различните состојки. Потоа земете цедалка и низ неа внимателно процедете ја густата смеса. Овде може да Ви се чини дека многу храна нѝ оди фира, но всушност ги фрламе само коските и кожата од рибата. Вкусот и соковите ќе ни ја дадат основата на чорбата.

Чекор 5: Вратете ја чистата чорба во чиста тава и крчкајте ја со чистото филе од бела риба – кога филето ќе се свари, но не и да се ПРЕВАРИ, спремни сме за сервирање.

Сервирајте ја чорбата со леб, сипувајќи ја во чинија со црпалка. А потоа ставете и парчиња од филето од бела риба. Бон апетит!

СОВЕТ: Оваа верзија на рибјата чорба е базирана врз Француски рецепти и се користат свежи вкусови кои прекрасно ја подигаат. На оваа чорба прекрасната арома ѝ ја даваат доматите и целерот кога ќе се комбинираат со рибата.

Користени Делимано садови за подготовка на овој рецепт: Тава со рачки