Испечати

Копани во тесто

Копани во тесто

Состојки

  • 8 копани (или 4 батаци со карабатак)
  • околу 500 гр брашно
  • 1 јајце
  • 1-2 лажички сол
  • 200 мл млака вода
  • 1 лажичка прашак за печење
  • зачини вегета, бибер, оригано...

Подготовка

Копаните малку подварете ги, па зачинете и ставете ги да се печат.
За тоа време спремете го тестото од останатите наведени состојки (без зачините) и поделете го на 4 дела ако сте ставиле копан со карабатак или на 8 ако се помали.
Кога ќе подоладат копаните, секое делче расукајте го со сукалката, ставете го на средина копанот и од сите страни убаво завиткајте го со тесто. Ставете го во намастена тава со преклопениот дел на долу.
Вака наредените копани во тесто премачкајте ги со растопен маргарин и ставете да се печатво загреана рерна од 180 степени додека не процените дека тестото се испекло. Времето не е долго со обзир на тоа дека се копаните веќе печени предходно. Потребно е само тестото да биде печено.
Послужете ги со некој ваш омилен сос, прилог или салата. Добар апетит!