Кус кус со пилешки батаци и зеленчук
Состојки
- Зеленчуков фил
- 1 кромид
- 4-5 чешниња лук
- 2 моркова
- 1 млада тиквичка
- 1 црвена пиперка ( ајварка )
- 1 лажиче сол
- 1 лажиче црн бибер
- 2 лажици маслиново масло
- Месо
- 6-7 варени пилешки батаци
- Кус кус
- 1 лажиче куркума
- 250 грама кус кус
- 250 милилитри пилешки бујон
Подготовка
Се сечка целиот зеленчук.
Кромидот на листови, а се останато на стапчиња.
На маслиново се прпропржува кромидот и лукот.
Се додава морковот, се пропржува кратко и се динста со малку од пилешкиот бујон.
Мешаме кратко и ги додаваме пиперката и тиквичката.
На крај зачинуваме со сол и бибер.
Пилешките батаци се варат и се сечкаат на коцки. Кратко се пропржуваат.
Во стаклен сад се става кус кусот заедно со лажиче куркума. Смесата се полева со пилешкиот бујон, кој треба да е врел. Се остава 10-тина минути покриено со проѕирна фолија, додека не набабри и не ја впие целата течност.
Потоа промешајте кратко со вилушка и сервирајте топло.
Ова е мојот редослед кус кус, фил од зеленчук и на крај месото.
Го украсувам со рузмарин или магданос.
Уживајте!