Режана салата
Состојки
- 3 кгр. ајварска пиперка
- 2 кгр. морков
- 2 кгр. корнишони
- 500 гр. шекер
- 250 гр. сол
- 500 мл. зејтин
- 700 мл. 6% алкохолен оцет
Подготовка
Вкусна декоративна салата која може да се спрема на два начина.
ПРВ НАЧИН БЕЗ КОНЗЕРВАНС
1. Пиперките се сечат на ленти, се става шеќерот, солта, зејтинот и 700 мл. 6% алкохолен оцет, се мешаат да се соединат состојките и се остава да стои околу 2-3 часа.
2. Се полнат теглите и се прелеваат со течноста која за време на стоењето се добива од зеленчукот.
3. Се затвараат теглите, се стават да се пастеризираат онолку време колку што е потребно да се затворат капаците.
ВТОР НАЧИН СО КОНЗЕРВАНС
1. Пиперките се сечат на ленти, се става шекерот и солта, се мешаат да се соединат состојките и се остава да пренокат.
2. Наредниот ден се сечкат на ленти краставиците и морковот.
3. Се цедат пиперките и се додаваат кон исецканите краставички и морков.
4. Во течноста од пиперките се додава 700 мл. 6% алкохолен оцет, зејтинот и 1 конзерванс, се става да проврие, се попарува зеленчукот. Се остава да олади и се собира во теглите - потоа нормално - се става на полиците во подрумот.
Вие изберете на кој начин ке сакате да ја приготвите оваа салата. Јас предпочитам без конзерванс.