Испечати

Басмати ориз со прелив од печурки

Басмати ориз со прелив од печурки

Состојки

  • За подготовка на рижото
  • 1 филџан 250мл Басмати ориз
  • 200гр Замрзнат грашок
  • 3 филџани Вода
  • 20 гр Путер
  • 1 коцка за супа
  • За преливот од печурки
  • 400гр Шампињони или буковки
  • 3 чешниња Лук
  • 4 лажици Свеж сечкан магдонос
  • 250 мл хопла или бешамел сос
  • 3 лажици пармезан

Подготовка

Во тенџере ставаме 3 филџани вода и оставаме да зоврие. Ја додаваме коцката за супа и путерот и го ставаме грашокот да се вари. После 7 минути го додаваме басмати оризот кој претходно сме го потопиле во вода неколку минути. Ја намалуваме температурата и оставаме оризот да се вари околу 15 минути со покриен капак, без мешање. По 15 минути го тргаме на страна и го оставаме да одстои покриен. За тоа време го подготвуваме преливот од печурки.

Во загреано тавче ги пропржуваме печурките со исечканото лукче додека не добијат златна боја. Посолуваме и наросуваме бибер. Ја тргаме тавата на страна и ја додаваме хоплата. Мешаме, повторно ја враќаме на тивок огин, мешаме уште малку, го додаваме сечканиот магдонос и повторно ја тргаме на страна. Басмати оризот го сервираме во средина на чинија, а преливот од печурки го сипуваме во чинијата од околу оризот и го наросуваме со пармезан. Декорираме по желба. Добар апетит.