Детски сендвич-воз
Состојки
- 14 тост лепчиња
- За фил
- 200 мл кисела павлака
- 1 парче сирење (околу 100 гр)
- 1 мало снопче сецкан магдонос
- Додатоци и украсување
- 6-7 листови тост кашкавал
- 6-7 листови сувомеснато по избор (препорачувам салама)
- 1-2 домати, сечкана краставица и неколку маслинки
Подготовка
Изрендајте го сирењето, додадете ја павлаката и магдоносот и измешајте. Ова е основата на филот со кој ќе се лепат лепчињата.
Тост лепчињата исечете ги на половина. Се премачкуваат по 3 половинки за секој вагон со филот и 3 четвртинки одозгора одат за локомотивата. Покрај филот, помеѓу лепчињата можите да вметните и домати, кашкавал или некое од избраните видови салама, но внимавајте, треба да се најтенко исечени.
Одозгора украсете го по желба, а од краставицата исечете тенки кругови за тркала.
Изненадете ги дечињата со една ваква идеја за сендвич или пак спремете им го за некоја детска забава. Сигурна сум дека ќе се израдуваат.