Бела торта
Состојки
- Пандишпан
- 10 белки
- 400 грама шеќер
- 1 лажиче алкохолен оцет
- Фил 1
- 10 жолчки
- 3 лажици шеќер
- 1 пакетче ванилин шеќер
- 3 лажици брашно
- 400 грама млеко
- Фил 2
- 300 грама мелени ореви
- 1 филџанче млеко
- Фил 3
- 250 грама путер
- 250 грама шеќер во прав
Подготовка
Пандишпан
Во длабок сад се матат 10 белки со 400 грама шеќер и едно лажице алкохолен оцет.
( оцетот се додава постепено при крајот за да се добие цврст снег )
Смесата се става во подмачкан плех со зејтин и се обложува со хартија за печење.
Се пече на 150 степени, 20 минути.
Фил 1
Жолчките се мешаат со 3-те лажици шеќер, ванилата и 3-те лажици брашно.
Потоа се додава 400 мл млеко и оваа смеса се готви на пареа, додека кремот не се згусне.Се остава да се олади.
Фил 2
Мелените ореви се полеваат и мешаат со едно неполно филџанче млако млеко.
Фил 3
Путерот се меша со шеќерот во прав.
Сите 3 фила се соединуваат за да се добие хомогена смеса.
Откако пандишпанот се оладил, се сече на 3 ленти и се филува со добиениот хомоген фил.
На крај се мата 2 шлаг крема.
Си ја украсувам со рендано темно чоколадо.( по желба )
Ова подготвена торта воедно ќе ми биде и роденденска, за во среда....