Бомба торта
Состојки
- 300 грама бисквити
- 100 грама сечкани ореви
- 100 грама желе бомбони
- 250 грама маргарин
- 1 килограм млеко
- 4 пудинзи ванила
- 100 грама суво грозје
- 200 грама шеќер во прав
- 3 банани
- 2 кесички шлаг.
Подготовка
Пудинзите се варат во 1 килограм млеко. Се оставаат да се изладат.
Се мати маргаринот со шеќерот во прав, па се додава во оладените пудинзи.
Во друг сад бисквитите се кршат на помали парчиња. Се додаваат оревите, сувото грозје и желе бомбоните. Се се меша заедно, па се додава филот и се меша додека не се добие убава смеса.
Длабок сад со округла форма го обложуваме со најлонска фолија и истураме пола од смесата. Се ставаат бананите сечкани на кругови, па се додава и другата смеса.
Израмнуваме убаво горе да се добие убава форма. Тортата ја виткаме во фолија и ја оставаме да се стегне.
Потоа се превртува на послужавник или чинија. Ставаме шлаг и декорираме по желба.