Пролетен овошен колач
Состојки
- 350 гр бисквити
- 150 гр бисквити (мелени)
- 150 гр мелени ореви
- 3 јаболки
- 3 банани
- 100 гр шеќер
- 500 мл млеко
- 1 пудинг од ванила
- 4 лажици шеќер
Подготовка
1. Јаболката ги лупиме и ги рендаме на поедрата страна од рендето, истото го правиме и со бананите. Во садот со ренданите јаболка и банани го додаваме шеќерот и мешаме со лажица.
2. Потоа ги додаваме и мелените бисквити и ореви и мешаме со лажица се додека не добиеме хомогена смеса.
3. Во тенџере на оган го подготвуваме пудингот според упатството од кесичката и го оставаме малку да се олади.
4. Во меѓувреме, дното на правоаголен сад го обложуваме со бисквити и врз нив го нанесуваме претходно подготвениот фил.
5. Врз филот нанесуваме нов ред бисквити, а врз нив го нанесуваме подготвениот пудинг.
6. И на крај подготвениот колач го ставаме во фрижидер малку да се стегне.
Бон апетит!!!