Козињак
Состојки
- 2 кг. брашно
- 2 пак. квасец
- 2,5 шољи шеќер
- 1 шоља масло
- 1 шоља млеко
- 1 шоља вода
- 5 јајца
- кора од лимон
- 2 пакетч. суво грозје
- 1 јајце за премачкување
Подготовка
Млекото, маслото, водата и шеќерот се ставаат во сад на оган, да бидат млаки. Се додаваат квасецот и јајцата. Смесата се истура врз брашното и се замесува во средно тесто. Се додава кората од лимон и се остава да надојди. Во меѓувреме, сувото грозје се чисти,се мие со топла вода и се суши завиткано во куњска крпа. Се додава во тестото и повторно се размесува. Откако ќе поседи 15-тина минути и со сувото грозје, се плетат плетенки и се редат во плех обложен со книга за печење. Вака подготвени, плетенките повторно се оставаат на 15-тина минути, додека надојдат. Се премачкуваат со матено јајце и се поросуваат со сусам. Се пече на температура од 170 до 180 степени приближно 1 час.