Кинато пиле
Состојки
- 1 пиле
- 200гр кашкавал
- 500гр печурки
- 250гр павлака
- 1 главица кромид
- 2 моркови
Подготовка
Го ставаме пилето да се вари. Кромидот и морковите ги рендаме и ги ставаме во тавче со загреано масло да се пржат. Кога ќе се испржат ги додаваме доматно пире и печурките. Кога пилето убаво ќе се свари го чистиме убаво од коските, го киниме на ситни парчиња, го додаваме во тавата на оган и го пржиме. Ја тргаме тавата од оган и ја претураме во тава за печење. Одгоре рендаме пола од кашкавалот и тураме 3 црпалки од водата што се вареше пилето. Павлаката ја разматуваме со малку вода и го прекриваме месото. Најгоре го рендаме преостанатиот кашкавал и го ставаме пилето да се печи. Сервираме со претходно варени компири.