Пита со праз и урда
Состојки
- 1 квасец
- по потреба млака вода
- 1 мала лажичка сол
- 1 мала лажичка шеќер
- 30 лажици брашно
- 500 гр. урда
- 150 гр. маргарин
- 4 страга праз
Подготовка
Квасецот заедно со солта и шеќерот го оставаме да надојде, па со брашното и водата замесуваме средно меко тесто кое го оставаме да стаса 1/2 час.
За тоа време го пржиме празот на малку зејтин, ја додаваме урдата и посолуваме. Откако тестото ќе стаса го двоиме на 5 парчиња и од секое парче двоиме по 3 дела од кои сукаме кори. На 2 кори се мачка растопен маргарин и корите се редат една врз друга. Последна е не намачканата кора. Од ново се сука голема тенка кора се става од филот со праз, се замотува и се става во намрснето плекче. Постапката се повторува со сите 5 кори.Се пече на температура од 180С додека да порумени.