Пециво со маслинки
Состојки
- 1 пак. квасец
- 1 суп.лаж. шекер
- 2 суп.лаж. брашно
- 1 чајна шоља вода
- 3 суп.лаж. зејтин
- 2 каф.лаж. сол
- 4 чајни шољи бело брашно
- 1 чајна шоља ржано интегрално брашно
- 1 чајна шоља пченично интегрално брашно
- 1 врзалка млад кромид
- 1/2 каф.лаж. лук во прав
- 150 гр. црни маслинки без семки
- 1 кафена шоља разни семки - тиква,лен, сончоглед / толчени / за посипување
Подготовка
Кавасецот го оставаме да надојде / растворен со 1 шоља млака вода во која сме додале шеќер и брашно.
Во надојдениот квасец ги додаваме трите видови брашно, солта и зејтинот.
Со додавање на вода замесуваме средно меко тесто и го оставаме да ,,стаса,, околку 20 минути.
Во меѓувреме го сечкаме младиот кромид и заедно со лукот во прав го пржиме на зејтин - колку да омекне.
Маслинките ги сечкаме на парченца.
Стасаното тесто го расукуваме во правоаголна кора која ја посипуваме со маслинките и со пржениот кромид.
Кората ја преклопуваме на два пати - по должина за да добиеме правоаголна ,,векна,,
Од добиената векна сечеме парчиња со ширина од 2 цм.
Исечените парчиња од векната - со филот нагоре, ги редиме во тава обложена со хартија за печење.
Оставаме да ,,стасаат,, околу 20 минути.
Пред печењето пецивата ги мачкаме со мешавина од сол и вода и ги посипуваме со мешавината од семки.
Печеме на 180 Ц додека да поруменат.