Испечати

Лимончиња

Лимончиња

Состојки

  • за тесто
  • 500 гр брашно
  • 100 гр маргарин (може пола сало пола маргарин)
  • 100 гр шеќер
  • 150 мл млеко
  • зрно сол
  • 2 жолчки
  • 1 кора од лимон
  • за фил
  • 2 белки
  • 200 гр мелен бадем
  • 2 ванилин шеќер
  • 2 кори од лимон
  • 2 лаж рум или мараскино
  • 130 гр шеќер
  • за боење
  • 300 мл млеко
  • 200 гр шеќер
  • 1 лаж рум или мараскино

Подготовка

За тестото,
-се бијат јајцата во кои постепено се додава шеќерот.
-се додаваат и другите состојки и рачно се меси тестото.
-се остава 2 часа во ладилник.
За филот,
-белките се бијат со шеќерот и ванилите.
-кога добро ќе се избие, се додаваат останатите состојки.
-добро се промешува и ако не е доволно густо (мене ми беше ок) се додава лажица-две мел бисквити или презла.
Подготовка,
-се вади тестото од ладилник и се премесува.
-се сучи танка кора (ко за кифлички).
-се сечат кругови во кои се става фил и се виткаат прво од горе на долу, па лево и десно се стискаат краевите. Потоа се преврќа однопаку и пак се стискаат краевите како бомбонче (фото).
Се печат на 160 степени 15-20 мин.
Оладени се макаат во обоеното млеко и после во кристал шеќер.
На врвовите можат да се обојат малку со зелена боја (по желба).
Добар апетит!