Мини пици
Состојки
- 300 гр шунка
- 1 кг брашно
- 1 лажици сол
- 1 лажица шеќер
- 1 коцка свеж квасец
- 200 мл масло за готвење
- 250 мл млеко
- 250 мл вода
- 300 гр кашкавал
- 200 гр кечап
Подготовка
Во тенџерче на оган ставаме да се стопли млекото и водата заедно. Во длабок сад ставаме 1 кг брашно, 1 лажица сол, 1 лажица шеќер, 200 мл.масло за готвење и квасецот претходно растопен во малку млако млеко. Замесуваме тесто и го оставаме да стаса 20 минути. Потоа земаме од тестото и расукуваме кора со дебелина од пола сантиметар. Сечеме кругови со чаша. Половина од круговите ги сечеме на средина со помала чаша(за ракија) и ги спојуваме така што одоздола иде целиот круг, а одозгора кругот со отвор. Ги редиме во тепсија. Насредина ставаме кечап, потоа шунка и на крај кашкавал. Ги печеме мини пиците во загреана релна на 200 степени околу 30-40 минути.