Испечати

Чоколадни колачи со орев и јаболка

Чоколадни колачи со орев и јаболка

Состојки

  • Тесто
  • 125 гр путер или маргарин
  • 100 мл масло
  • 1 јајце
  • 1 чаша (200 мл) шеќер во прав
  • 2 лажици јогурт
  • 3 лажици какао
  • 1 пакетче ванилин шеќер
  • 1 пакетче прашак за пециво
  • 4 чаши брашно
  • Фил
  • 2 јаболка
  • 1 чаша шеќер во прав
  • 1 лажиче цимет
  • 100 гр сечкани ореви
  • Шербет
  • 1 и 1/2 чаша вода
  • 1 чаша шеќер

Подготовка

Јаболката изрендајте ги, промешајте ги со шеќерот и ставете ги да се пржат се додека не го изгубат сокот. Додајте го циметот и оревите и оставете го да се олади.
За шербетот, зовријте ја водата со шеќерот и оставете го да се излади.
Замесете ги сите состојки за тестото. Количината на брашно може да варира, не го ставајте одеднаш, тестото треба да е мазно, меко и убаво да се формира.
Во внатрешноста од цедалката за лимон ставете парче најлонска фолија. Земајте од тестото парчиња со големина на поголем орев, ставете го во длабнатината и со прст направете џеб. Ставете по едно лажиче од филот и затворете го.
Колачињата редете ги на плех со хартија и печете ги во загреана рерна на 180 степени, петнаесетина минути. Откако ќе ги извадите потопете ги во шербетот и тргајте ги на страна (не треба да киснат во него).