Испечати

Печено свинско месо со сос од печурки

Печено свинско месо со сос од печурки

Состојки

  • Состојки
  • 2,5 кг свинско месо
  • 1 шака крупна сол
  • 1 лажица црвен пипер
  • 1 лажичка црн пипер
  • 6 ловорови листови
  • 400 мл вино розе
  • 400 мл вода
  • Сос од печурки
  • 200 гр печурки шампињони
  • 2 моркови
  • 1 главица кромид
  • 1/2 лажичка густин
  • 1 лажичка зачин од сув зеленчук

Подготовка

Прво месото со крупната сол убаво се ,,масира,, од сите страни. Се остава во фрижидер да одстои 24 часа.
Пред печењето на месото му го ставаме и црниот и црвениот пипер. Го ставаме месото во тавата во која ќе го печеме,  ја додаваме водата и виното и ловоровиот лист, го затвараме одозгора со фолија или капак (ако тавата ви е со капак) и го ставаме да се пече на 150-160 степени. На секои 45 минути месото го превртуваме. Половина час пред да е готово, ја зголемуваме температурата на 180 степени, го тргаме капакот и го оставаме месото да фати кора. За оваа количина на месо потребно е печење од 4 часа. Пред служење најдобро е да олади барем половина час бидејќи подобро се сече.

За подготовка на сосот ги запржуваме морковите и кромидот. Додаваме зачин од сув зеленчук и 300 милилитри вода и го оставаме да поврие кратко. Потоа со рачен блендер го блендираме. На страна ги запржуваме печурките ситно исечени и ги додаваме во сосот. Густинот растворен со малку вода го додаваме во сосот за да се згусни. Во сосот додаваме и 2-3 лажици од сокот во кој се печеше месото. Густината на сосот треба да е како густина на јогурт, па ако е потребно додадете повеќе од течноста во која се печеше месото.

Тавата во која ќе го печете месото не треба да е многу голема. Најдобро е да е со големина на парчето месо бидејќи тогаш печењето е најдобро.
Вака печено месо може да се служи со било кој додаток по ваш избор, а убаво е и кога е сосема изладено.