Испечати

Пастрмајлија со свинско месо и јајца

Пастрмајлија со свинско месо и јајца

Состојки

  • 400 гр свинска кртина
  • маринада
  • 100 мл масло
  • 2 лажици буковец
  • 1 лажица мешан зачин
  • сол,црн бибер
  • Тесто
  • 500 гр брашно
  • 1/2 коцка свеж квасец
  • 250 мл млака вода
  • 50 мл масло
  • малку сол
  • Прелив
  • 3 јајца со малку сол

Подготовка

Прво свинското месо ситно го сецкаме на коцки и го зачинуваме со буковец, мешан зачин, сол и црн бибер. Полеваме со маслото.
Вака подготвено месото убаво го мешаме и го остваме да се маринира во фрижидер цела ноќ или неколку часови.
Тесто
Во сад со млака вода го додаваме квасецот и маслото и промешуваме.
Брашното го посолуваме и во брашното ја додаваме смесата со квасец.
Замесуваме тесто и го оставаме да стасува околу триесетина минути.
Стасаното тесто го делиме на два дела
На плех обложен со пек хартија го ставаме тестото и го формираме како пастрмајлија.
Згора го распоредуваме месото заедно со маринадата.
На страна матиме три јајца додаваме сол и со тоа ги прелеваме пастрмајлиите.
Вака подготвени пастрмајлиите ги печеме во загреана рерна на 200 степени, околу триесеттина минути.
На здравје!