Проја со кисели краставички
Состојки
- 2 јајца
- 250 мл јогурт
- 250 мл кисела вода
- 4 лажици маслиново масло
- 1 лажиче сол
- 3-4 кисели краставички
- 100 гр пилешко филе
- 100 гр сирење
- 150 гр пченкарно брашно
- 150 гр овесно брашно
- 100 гр ржано брашно
- 1 пециво
Подготовка
Во длабок сад ги ставаме јајцата. Матиме со жица за матење. Ги додаваме јогуртот, киселата вода и малиновото масло. Промешуваме. Киселите краставички и пилешкото филе ги сецкаме на коцки. Сирењето го дробиме со виљушка на парченца. Во садот со јајцата ги додаваме солта, киселите краставички, пилешкото филе и сирењето. Промешуваме. Ги додаваме пченкарното брашно, овесното брашно и ржаното. Промешуваме и на крај го додаваме пецивото. Промешуваме. Смесата ја ставаме во правоаголен сад за печење обложен со хартија за печење. Одозгора ставаме сусам. Печиме во загреана рерна на 180 степени околу 45 минути.