Медењаци
Состојки
- За тесто
- 500-600 гр. брашно
- 1 пециво
- прстофат сол
- 100 гр. шеќер
- од 1 лимон рендана кора
- 200 гр. маргарин или путер
- 1 ванила
- малку цимет
- 100 гр. мелени ореви
- 3 лажици млеко
- 150 гр. мед
- 2 јајца
- Кралска глазура
- 1 белка
- 180-200 гр. просеан шеќер во прав
- по потреба прехрамбена боја по желба
- малку лимонов сок
Подготовка
Ем вкусни, ем мирисни, ем лични.
1.Во длабок сад се мешаат сувите состојки.Се додаваат течните и се замесува мазно, средно меко тесто.Го оставаме малку да одмори во фрижидер.
2.На хартија или намрсена подлога се отвора кора со дебелина од пола сантим и се вадат саканите форми.
3.Се печат во загеана рерна на 180-200 степени околу 12 мин. или зависно од рерната, долниот раб треба да порумени.
4.Ладни се декорираат.
5.Белката се мати со вилушка, постепено додавајќи од шеќерот.На крај малку лимонов сок, за да се регулира густината.
Се дели во чинивчиња, се додава бојата, се меша, се става во најлонче, му се сечи врвот и се работи.
Нека се исуши глазурата и се собираат во кутија со капак.
Уживајте!