Испечати

Чоколадни-лешник стапчиња или бомбици

Чоколадни-лешник стапчиња или бомбици

Состојки

  • 125гр лешник наполитанки
  • 100гр црно чоколадо
  • 3лажици млеко
  • 100гр путер
  • 2лажици чоколаден ликер
  • 150гр потпечен лешник
  • 1лажица шеќер во прав
  • 50гр еурокрем
  • Глазура
  • 150гр црно чоколадо
  • 2-3лажици масло
  • Шарени трошки за декорација

Подготовка

Предлог за многу декоративни и вкусни колачи.

Во касерола го ставме млекото, чоколадото, шеќерот во прав, путерот и еурокремот.
Соединуваме во еднолична смеса на многу тивок оган.
Тргаме од оган и додаваме чоколаден ликер.
Додаваме мелени наполитанки и грубо мелени печени лешници.
Соединуваме.
Оставме смесата да се подизлади.
Потоа формираме стапчиња или бомбици
Ги потопуваме во растопено чоколадо и нежно ги декорираме со чоко трошки.

До колку ви се чини смесата дека е сува додадете лажица млеко или ликер.
Тоа е во зависност од наполитанките кои ќе ги користите