Брзи Мини Пици Маргарити
Состојки
- 240 гр Брашно (просеано)
- 1/2 м.л. Сол
- 1/2 Пециво
- 1/2 или 1 м.л. Оригано
- 150 гр Кашкавал (крупно рендан)
- 100 гр Кисело млеко
- 100 мл Млеко
- За премачкување - 1 Јајце плус оригано.
Подготовка
Превкусниии, брзи, идеални за празнична трпеза, роденден, за секојдневно уживање. Се подготвуваат брзо и веднаш се печат.
Подготовка
- Во длабок сад ги ставаме брашното, солта, пецивото, ориганото и кашкавалот - соединуваме.
- Ги додаваме киселото млеко и млекото, замесуваме лепливо тесто.
- Тестото лесно се работи, со намрсени раце или со лажица зимаме од него, и формираме топчиња кои ги сплескуваме (видете дополнителни слики).
- Ги редиме врз хартија за печење.
- Премачкуваме со јајце и наросуваме оригано.
- Печеме веднаш во загреана рерна на 200 степени до заруменување (јас печев околу 20-на минути).
- Послужуваме додека се топли, идеални се со прелив од кечап.
На здравје!