Колачи-срце, со рум
Состојки
- 200 гр бисквити со путер
- 130гр мелени ореви
- 40мл млеко
- 2,3 лажици шеќер во прав
- 120гр путер
- 2лажици квалитетно какао
- 1лажица рум
- за декорација
- 150гр чоколадо,45% какао маса
- 2,3лажици масло
- бисерни бомбончиња
Подготовка
Со љубов, за неа. Ова е една палета на мои ситни, вкусни, декоративни колачи. Ги подготвив со многу љубов и ги подарив на една млада, прекрасна дама, со желба да има убав и среќен живот.
Денес ќе споделам еден рецепт, а наредниве денови ќе следуваат рецепти и за другите ситни колачи.
Првиот и последниот ред е мојот рецепт за Бела розенка, со мали измени.
Користено е млеко наместо вода, користен е путер наместо маргарин и користев тостирани мелени ореви, Рецепт за неа има тука https://moirecepti.mk/post/%d0%b1%d0%b5%d0%bb%d0%b0-%d1%80%d0%be%d0%b7%d0%b5%d0%bd%d0%ba%d0%b0
Подготовка:
1. Во мало тенџере на оган ги ставаме да се соединат млекото,путерот, шеќерот, какаото, Од кога смесата е изедначена го додаваме румот. Промешуваме. Додаваме мелени ореви и бисквити.
Соединуваме.
2. Топлата смеса ја ставаме на даска за колачи. Убаво израмнуваме. Оставаме во фрижидер да се излади. Потоа со модличка во форма на срце вадиме колачи. Ги декорираме со растопено чоколадо и бисерни бомбончиња. Оставаме да се изладат, па ги послужуваме.