Чили кон карне (Chili con carne)
Состојки
- 1 главица кромид
- 3 чешниња лук
- 1 морков
- 2 пиперки
- 1-2 лути пиперчиња
- 0,5 кг мелено месо
- 1 конзерва (400 гр) пелати
- 1 конзерва (400 гр) црвен грав
- 1 мала конзерва (200 гр) пченка
- 150 -200 мл црно вино
- 250 мл вода (ако сте го вареле гравот, од неа)
- 1-2 коцки телешки бујон (домашен)
- 1 рамна лажица црвен пипер
- 1 лажица буковец
- 1 лажица сув зачин
- 1/2 лажиче кумин
- 1/2 лажиче оригано
- 1 лажиче сенф
- 1 лажиче босилек
- 1/2 лажиче цимет
- по вкус сол
Подготовка
Ова богато јадење доаѓа од мексиканската кујна, популарно е низ сиот свет, можи да се сервира на различни начини, заситува и можи да се најадат повеќе луѓе во зависност како ќе се послужи и верувам дека одлично можи да се вметни и во празничните менија.
Подготовка
1. Во длабока и поголема тава се запржува ситно исечкан кромидот и лукот кој можи да го помините низ преса или многу ситно да го исечкате. Тоа трае толку време колку да ги исечкате пиперките исто на поситни парчиња и морковот на тенки кругчиња.
2. Пржете се заедно додека омекнат и додадете го меленото месо. Откако ќе испари водата и ќе се запржи месото додадете го црвениот пипер и буковецот, па потоа пелатите (доколку немате пелати во конерва, комбинирајте со зрели домати и доматен сос).
3. Откако ќе се запржат додадете ги гравот и пченката, па потоа налејте вино и вода. Јас имав шарен грав и го варев претходно, па додадов вода во која се вареше. Додадете ја и коцката телешки бујон (кај мене домашен и замрзнат во калапите за мраз), доколку немате, компензирајте со коцка за супа, но тогаш не ставајте сув зачин, ами повеќе посолете. На крај и зачините и сенфот. Оставете да се крчка на тивко додека испари течноста до посакуваната густина.
4. Ова јадење можи да го послужите врз варен ориз или пире, како додаток - мезе на гостинска трпеза, завиткано во тортиља (кое чинам најмногу одговара) со додаток зелка салата, подоцна се дојаде и со гиро лепче, па можи да го густирате и како начос со чипс и т.н.