Здрав чипс со семиња
Состојки
- вкупно 80 гр Семиња (бел сусам, црн сусам, ленено семе, сончоглед, семки од тиква)
- 80 гр Пченкарно Брашно
- 60 мл Вода (топла)
- 20 мл Маслиново Масло
- по вкус Хималајска сол
Подготовка
Чипсот е идеален избор за грицки навечер кога гледате фудбал или уживате во вашата омилена серија, па затоа направете си домашен чипс кој е поздрава верзија и плус е превкусен.
Подготовка
1. Во длабок сад ги ставаме семињата. Додаваме пченкарно брашно - промешуваме. Сега додаваме вода, масло и посолуваме по вкус. Соединуваме со лажица или со рака до хомогенизирање.
2. Добиената смеса ја ставаме помеѓу два листа мрсна хартија и расукуваме што е можно потенко. Така расуканата смеса ја префрламе внимателно врз плехот во кој ќе печеме, а вишокот на хартија го сечеме. Смесата ја сечеме на парчиња.
3. Печеме во загреана рерна на 160 степени (20- на минути). Нека оладат, па послужуваме.
Забелешка - Јас во смесата додадов плус малку лук во прав, вие по желба.
На здравје!