Испечати

Универзален ванила фил за слатки

 Универзален ванила фил за слатки

Состојки

  • 500 мл млеко
  • 4 жолчки
  • 130 г шеќер
  • 2 пакетчиња ванилин шеќер
  • 50 г нишесте или брашно
  • 20 г путер

Подготовка

Ова е универзален ванила крем кој можи да се користи за еклери, индијанки, принцес крофни, како фил за торти, колачи итн. Можи да користите ванилен екстракт, ванилини семки и други замени за ванила вкусот.

Се матат жолчките со шеќерот и ванилиниот шеќер, се додава и нишестето или брашното и се мати со миксер да нема грутки.
Млекото се вари и по малку се додава во кремот од жолчки и се продолжува со матење убаво.
Се враќа смесата назад на шпорет и на тивко се вари до згуснување.
Откако ќе го тргнете на страна, додадете го и путерот и измешајте.
Нека олади и нека поседи во фрижидер 2 часа па може да се користи. Убаво покриен филот може да седи и 2 дена во фрижидер.