Колач со тиква и брусница
Состојки
- 2 јајца
- 60-80гр шеќер
- 1 ванила
- 75мл масло
- 170мл јогурт
- 230гр брашно
- 1 пециво
- 1/4лажиче сода бикарбона
- 1/2лажиче цимет
- 1/2лажиче морско оревче
- 1/2 лажиче мелено каранфилче
- 200гр варена и дооооброо исцедена тиква
- Некое зрно сол
- 70гр брусница
Подготовка
Подготовка:
1. Во вангличка се ставаат јајцата, ванилата и шеќерот. Се мати до побелување. Со исклучен миксер ги додаваме тиквата и течните состојки. Убаво соединуваме.
2. Во сад ги соединуваме брашното, пецивото, содата, зачините и брусницата. Промешуваме. Овие состојки ги додаваме кај течните состојки. Убаво со шпатула ги соединуваме.
3. Смесата ја распоредуваме во калап за леб, кој е обложен со хартија за печење. Печиме околу 30 минути во загреана рерна. Сепак проверуваме со чепкалка. Колачот го оставаме на решетка убаво да се излади, па го сечиме на парчиња и го сервираме.
*Забелешка - За поздрава варијанта на овој кревок и ароматичен колач, половина количина на брашно може да биде хељдино, јачменово, спелтино брашно.