Интегрално - oвесни колачиња
Состојки
- 125 гр Путер (растопен)
- 100 гр Овесни снегулки
- 50 гр Суво Грозје
- 25 гр Кокос
- 1 м.л. Цимет
- 100 гр Мед
- 1 Јајце (големина Л)
- 200 гр Интегрално Брашно
- пола Пециво
Подготовка
Ако сте љубители на интегрални колачиња, тогаш ова е идеален рецепт за вас, готови се за брзо време, со едноставна подготовка, идеални со чаша млеко.
Подготовка
1. Прво го топиме путерот и го оставаме да излади.
2. Потоа во чашката од нутрибулетот ги ставаме овесните снегулки, сувото грозје, кокосот, циметот и медот. Блендираме во неколку наврати до хомогенизирање. Оваа смеса ја префрламе во длабок сад.
3. Додаваме 1 јајце (претходно изматено само со вилушка), па ги додаваме и интегралното брашно и пецивото. Замесуваме компактно тесто.
4. Сега зимаме мрсна хартија за печење, на неа ја ставаме смесата за колачињата, преклопуваме со хартијата и со помош на сукало го расукуваме тестото со дебелина од 5мм.
5. Со помош на калапче за колачиња (во форма по желба) ги вадиме колачињата и ги редиме во плех (врз кој имаме ставено мрсна хартија за печење). Остатокот од тестото повторно го премесуваме и расукуваме на истиот начин до негово потрошување.
6. Колачињата ги печеме во загреана рерна на 180 степени до благо поруменување од долната страна (јас печев точно 17 минути).
На здравје!