Кисели краставички - корнишони
Состојки
- по желба корнишони
- по потреба зовриена, врела вода
- За една тегла
- 1 рамна лажица сол
- 1 полна лажица шеќер
- 40 мл прехрамбена киселина
- 10на зрна коријандер
Подготовка
Овој начин на спремање корнишончиња ми дојде по идеја на една салата за зимница која ја спремав на сличен начин на конзервирање со жешка вода, наместо крајно загревање на теглите. Тоа последниве години најлесно го правам во машината за садови, но овој пат беа само неколку тегли, а таа полна, па овој начин одлично ми дојде. Теглите следниот ден проверено, супер затворени.
1. Во тегла се редат поситни корнишончиња.
2. Во секоја одозгора се става по една лажица сол и шеќер, киселината и коријандерот.
3. Се полева со врела, зовриена вода да ги покрие и веднаш се затвора убаво со капачето.
4. Теглата одма се превртува однопаку и се остава така додека излади.
Толку! Брзо, лесно, ефикасно.