Тирамису со киви и еспресо
Состојки
- 300мл киви сок
- 6-8 филџани еспресо
- 200 мл киви сос
- 1 кива
- 1литар слатка павлака
- 1паковка пишкоти за тирамису
- 1/3 лажиче зелена прехрамбена боја.
Подготовка
Преубав освежителен рецепт. Ајде да го спремиме.
Подготовка:
1. Пуштете неколку долги еспреса од апаратот. Изматете ја слатката павлака убаво, нека е густо матена.
Додајте и зелена прехрамбена боја.
2. Исецкајте излупете ја кивата и исецкајте ја на мали парченца. Во друг сад ставете сок од киви. Калапот наместете го спремен за редење на тирамисуто.
3. Првиот ред нека се почне. Земете од пишкотите и топете ги во густиот сок од киви
Наредете еден ред, Не се задржувајте многу во сокот, да не омекнат многу пишкотите зашто после е тешко редењето на слатката павлака. Откако ќе го наполните калапот со првиот ред, ставете ја слатката павлака. Израмнете ја убаво и попрскајте ситно сецкани парченца киви.
4. Вториот ред го редиме нормално, класично, како за секое тирамису. Топиме во еспресото и редиме пишкоти врз слатката павлака. Затвараме со ред слатка павлака. Кога е готово оставаме да се стегне, да се излади,па сечеме на коцки, а потоа попрскуваме со сос од киви. Служиме ладно.
Нека ви е на здравје
*Забелешка - Овде каде што сум слатката павлака не е засладена, па затоа додавам шеќер во прав. Затоа имајте во предвид дека треба да ја пробате слатката павлака. Ако нема блажина, додајте и шеќер во прав или стевиа, по ваш вкус.