Баклава со јаболка, кокос и орев
Состојки
- Шербет
- 600 гр шеќер
- 500 мл вода
- премаз за кори
- 100 гр маргарин
- 100 мл масло
- Фил
- 1.500 гр јаболка (8 јаболка) + 200 гр шеќер
- 100 гр кокос
- 100 гр мелени ораси
- 500 гр кори
Подготовка
Оригиналното име му е јабуковача или по наше баклава со јаболка.
Подготовка:
1. Најпрво се прави шербетот. Се вари 10мин откако ќе зоврие. Се цеди половина лимон и се лади.
2. Во мал сад се топи маргаринот и маслото .Ова е за премачкување на корите.
3. Настрана се рендаат јаболката и се пржат со 200 гр шеќер. Потоа се додаваат орасите и кокосот.
4. Се зема првата кора се попрскува со премазот со лажица. Врз неа се реди втората кора, пак се попрскува со премазот од масло и маргарин. Се става третата кора и овде се реди по 3 лажици од филот. Се витка ролат. Се става во плех од рерна се сечат ролатите. Се премачкува со преостанатиот премаз и се печи на 180С-30мин.
5. Жешките ролати се прелеваат со ладен шербет.
На здравје!