Испечати

Фереро торта (без печење)

Фереро торта (без печење)

Состојки

  • За подлога
  • 250 гр. мелени бисквити
  • 150 гр. мелени потпечени лешници
  • 100 гр. растопен путер
  • 150 мл. млеко
  • За фил
  • 400 мл. слатка павлака
  • 700 гр. кисела павлака
  • 100 гр. шеќер во прав
  • 150 гр. млечно чоколадо - ноисет или со лешник
  • 150 гр. потпечени изблендирани лешници
  • 100 гр. црно чоколадо за готвење
  • Глазура
  • 100 мл. слатка павлака
  • 100 гр. црно чоколадо за готвење

Подготовка

Вкусна, лесна торта, без печење, одлична за секоја пригода. Рецептот е од нет, ја направив и топло ви ја препорачувам.

1.Во длабок сад се мешаат бисквитите и лешниците, се полеваат со путерот, убаво се меша, па се додава млекото, се изедначува се убаво и се натапкува во калап со откопчување со пречник 26 цм., обложен со најлонска фолија.Се остава во фрижидер додека се спреми филот.

2.При подготовката на филот најпрво се растопуваат чоколадата, за да има доволно време да се изладат.
Потоа ја матиме слатката павлака.
Па се мати киселата павлака со шеќерот. Се додава во слатката павлака и убаво се соединуваат двете. Го додаваме растопеното млечно чоколадо, мешаме.
Ги додаваме наполитанките и лешниците. На крај го додаваме растопеното црно чоколадо. Убаво соединуваме и го нанесуваме филот над подлогата.

3.За глазурата се загрева слатката павлака и се прелива врз искршеното чоколадо. Се меша полека, додека се соедини. Се прелива врз филот, преку лопатка или лажица (за да не се направи дупка во филот) ја навалуваме тацната лево-десно, за убаво да се покрие. Декорација по желба. Се остава да стои во фрижидер, најдобро преку ноќ, па се послужува.

Уживајте!