Мини орео чизкејк
Состојки
- За основата
- 75 гр мелени орео колачиња
- 35 гр путер
- За фил
- 125 гр крем сирење
- 60 гр шеќер во прав
- 150 мл слатка павлака
- 1 лажиче ванила
- 4 гр желатин + 2 лажици вода
- 4 лажици ситно кршени орео колачиња
- За украсување
- 100 мл слатка павлака
- 1 лажиче шеќер во прав
- орео и/или чоко трошки
Подготовка
Подготовка
1. Најпрво се спрема основата. Се мешаат мелените орео со путерот и се распоредуваат во длабоки силиконски калапи за мафини (за 6 мафини), по отприлика 2 лажици.
2. Со помала чаша или друг рамен предмет се натапкуваат и израмнуваат убаво и се оставаат во замрзнувач додека се спрема филот.
3. Желатинот се раствора во ладната вода и се остава да желира. Потоа се става во поголем сад со жешка вода и се меша додека стани течен.
4. Со миксер се меша крем сирењето со шеќерот, па се додава слатката павлака. Се додава ванилата и растворениот желатин и откако ќе се соедини на крај со лажица се мешаат орео парчињата.
5. Со оваа смеса се полнат калапите врз претходно спремената основа до горе и најгоре се израмнува со шпатула. Се враќа калапот во замрзнувачот и се остава да се здрват тортиците, најдобро преку ноќ.
6. Потоа внимателно се вадат од калапот и одозгора се украсуваат со изматената слатка павлака, орео и чоко трошки. До служење чувајте ги во фрижидер.