Испечати

Руски капи (посни)

Руски капи (посни)

Состојки

  • за кора
  • 200 гр брашно
  • 10 лажици шеќер
  • 1 пециво
  • 200 мл кисела вода
  • 70 мл масло
  • 2 лажици какао
  • за фил
  • 500 мл растително млеко
  • 200 гр шеќер
  • 2 кесички ванилин шеќер
  • 3 лажици густин
  • 3 лажици брашно
  • 250 гр маргарин
  • за глазура
  • 100 гр чоколадо
  • 2 лажици масло
  • за посипување кокос

Подготовка

Обично ваквите рецепти се прекомплицирани за мене, ама овој пат се потрудив да ги направам како една идеја за престојните пости. Бидејќи тестото е посно, многу лесно и филот може да се направи во посна варијанта, како што е пишано со растително млеко, или пак ако не сме во можност, со вода.

Најпрво сите состојки за кората се матат со жица заматење и се истура во плех обложен со хартија за печење (38х25цм). Се пече на 180 степени, околу 15 минути. Треба да се подготват 2 вакви кори. Кога ќе се излади се вадат кругови со чашче за ракија.

Во меѓувреме се подготвува филот. Брашното и густинот сераствораат во 100 мл ладно млеко, а остатокот се загрева до вриење. Го додаваме и шеќерот и мешаме да се згусне убаво. Го тргаме на страна да се излади, па го додаваме маргаринот и матиме со миксер.

На еден круг ставаме една лажица од филот, па преклопуваме со друг круг, од страната премачкуваме со фил и го валкаме колачето во кокос.
Најгоре ставаме растопено чоколадо, но внимавајте да не е многу течно за да не ви се разлее надолу.
На здравје!