Колач со цреши и ванила крем
Состојки
- За ванила крем
- 300 мл млеко
- 1 жолчка
- 1 ќесе ванилин шеќер
- 2 лажици шеќер
- 2 лажици нишесте
- За тестото
- 2 јајца
- 100 гр шеќер
- 120 мл млеко
- 120 мл масло
- 200 гр брашно
- 1 ќесе прашок за печење
- 100на гр цреши
Подготовка
Подготовка
1. Во тенџерче измешајте ги со жица сите состојки и сварете крем на рингла. Покријте го со фолија или често промешувајте го додека го спремите кексот.
2. Густо изматете ги јајцата со шеќерот, па со намалена брзина на миксерот додавајте ги постепено течните, па сувите состојки. Смесата истурете ја во намрсен и набрашнет калап за тарт.
3. Кремот ставете го во ќесе за шприц или обично ќесе на кое ќе засечите отвор и со кружни движења исцртајте 3,4 кругови, еден на средина на тестото, еден на крајот и еден или два меѓу нив. Потоа врз делот од тестото наредете ги исчистените цреши.
4. Печете на 180С околу 25 минути. Готовиот колач поросете го со шеќер во прав.