Испечати

Диво месо од рерна

Диво месо од рерна

Состојки

  • 2 кг. месо од дива свиња
  • За маринада
  • 100 мл. вински оцет
  • 100 мл. црвено вино
  • по потреба вода
  • Уште потребно е
  • 200 гр. сецкана чадена сланина
  • 2 главици сецкан кромид
  • 4-5 чешниња сецкан лук
  • 3-4 сецкани моркови
  • 1 сецкан пашканат
  • 2-3 ловорови листа
  • по вкус сецкан целер
  • малку свинска маст
  • по вкус сол, мешан сув зеленчук, мелен црн пипер,
  • 100 мл. црвено вино
  • 2-3 лажици кисела павлака

Подготовка

Вкусен гурмански ручек.Топла препорака за сите кои се љубители на месо од дивеч.

Подготвка:

1.Месото убаво измиено, исечено и исчистено од жилички, се става да отстои во маринада 24 часа или најмалку преку ноќ. Месото се полева со киселината, виното и вода, да го покрива.
2. После изминатото време месото убаво се мие, се цеди од водата и се суши со кујнска хартија.
3. Сланината се сечка и се пропржува на вжештената свинска маст. Се вади од пекачот (ростерот).
4. Се става месото во пекачот и тоа да се пропржи, некои 10 на минути, од двете страни да фати убава боја, кора. Со тоа се овозможува соковите да останат во него.Потоа се зачинува со сол, мешан сув зеленчук, мелен црн пипер.
5. Во пекачот врз месото се додава сланината, сечканиот зеленчук, ловоровите листови, виното, 2 чаши вода, се затвора со капакот и се става во загреана рерна да се печи на 200 степени.На секој пола час се превртува месото и се полева убаво со содржината. По потреба се долева вода, внимаваме да не ни запечи зеленчукот.
6. После некои 3 часа месото веќе е готово или готвиме додека не е готово. Го вадиме во капакот од пекачот, а содржината што остана ја процедуваме и пасираме. Во течноста ја додаваме киселата павлака и со жица убаво соединуваме.Тоа ни е сосот. Малку нека крчни и полеваме врз месото. Сервираме топло со прилог по желба.

На здравје и наздравете со чаша црвено винце!