Пилешко џигерче во тава
Состојки
- 800 гр пилешки дропчиња
- 400 гр шампињони
- 1главица кромид
- 1 домат
- 100мл бело вино
- 100гр брашно
- 50гр путер
- 2чешниња лук
- 1/2лажица црвен пипер
- 1лажиче хималајска сол и бибер
- 100мл масло
Подготовка
Подготовка:
Веднаш да кажам дека јас користев маринирани печурки, а во оргиналот рецепт стои свежи.
1. Ако ставате свежи исецкајте и издинстајте ги добро. Истото и јас го направив само што моите веќе беа сецкани. Кога се готови ги вадиме со лажица и ги префрламе во друг сад.
2. Во истата тава на оган го запржуваме лукчето и кромитчето на путерот. Откако се готови им ги додаваме дропчињата кои претходно ги измивме и ги исушивме на кујнска хартија. Кога се исушени ги превалкуваме во брашно, па ги додаваме во тавата. Промешуваме да се запржи убаво.Зачинуваме и со црвениот пипер. И доматот го сецкаме на многу ситно или пак изрендајте го и додајте го во тавата. Откако се добро ќе се запржи вратете ги и печурките, па додајте им го белото вино. Покријте со капак и оставете да динста.
Кога е готово сервираме и служиме.
Нека ви е слатко.