Испечати

Ровки колачиња (со фил од пржени јаболка)

Ровки колачиња (со фил од пржени јаболка)

Состојки

  • Фил
  • 2 Јаболка (јадро рендани)
  • 2 г.л. Шеќер
  • 1 Ванила
  • по вкус Цимет
  • Тесто
  • 1 Јајце (големина Л)
  • 50 гр Шеќер
  • 1 Ванила
  • прстофат Сол
  • 2 г.л. Млеко
  • 50 гр Путер (стопен)
  • 1 м.л. Пециво
  • 230-240 гр Брашно (просеано)
  • За посипување - Шеќер во прав

Подготовка

Идеални за со кафе или чај, превкусни ровки колачиња со фил од пржени јаболка и цимет.

Подготовка на филот
- Јаболката ги лупиме и ги рендаме, ги ставаме во касерола, ги додаваме шеќерот, ванилата и цимет по вкус. Пржиме на умерена температура, до испарување на течноста, што ќе ја испуштат јаболката, мешајќи со дрвена лажица. Тргаме настрана и филот го префрламе во друг сад за побргу да олади. Филот се дели на 2 дела.

Подготовка на тестото
- Во длабок сад ги ставаме јајцето, шеќерот, прстофат сол и ванилата. Соединуваме мешајќи со рачна маталка. Сега го додаваме млекото, промешуваме. Го додаваме и путерот (внимавајте да не биде жежок), а на крај ги додаваме пецивото и брашното.
- Замесуваме глатко тесто, кое го делиме на 2 дела. Додека работиме со едниот дел, иако оди брзо, сепак другиот дел нека биде завиткан во стреч фолија за да не се исуши.
- Врз мрсна хартија за печење расукуваме округла кора со дијаметар од 25 цм. Кората ја сечеме на 8 делчиња, кои на внатрешноста ги засекуваме (видете дополнителни слики). На секое делче ставаме од филот и завиткуваме како кифличка. Постапката е иста и со другата половина од тестото.

- Така формираните колачиња ги редиме во плех за печење (врз мрсна хартија) и печеме во загреана рерна на 180 степени до заруменување. Нека оладат колачињата, па им ставаме одозгора шеќер во прав.

*Забелешка - Количината на брашно можно е минимално да варира, во зависност од големината на јајцето.

На здравје!