Банана коцки
Состојки
- основа
- 1 банана
- 50 гр ореви
- 50 гр урми
- 100 гр овесни снегулки
- 20 гр овесно брашно
- Фил
- 250 мл густо кокосово млеко
- 2 банани
- 3 лажици какао
- 50 гр стопено темно чоколадо со 70% какао
Подготовка
Вкусен, кремаст и здрав десерт .
Подготовка:
1. Основа- во блендер ги ставаме урмите и оревите, блендираме. Ги додаваме бананата и овесните снегулки, повторно блендираме. Во смесата додаваме и овесно брашно, кратко пулсираме со блендерот, за да се соединат состојките. Во сад со големина 20х20, претходно обложен со хартија за печење, ја натапкуваме смесата.
2. Фил- Во блендер ги ставаме бананите, какаото, кокосовото млеко, и стопеното темно чоколадо. Блендираме да се добие хомогена смеса. Филот го ставаме врз основата. Тортата ја ставаме во замрзнувач да стои неколку часа. Пред послужување ја оставаме 20тина минути на собна температура и ја сечиме.