Пакетчиња од тиквичка и моцарела
Состојки
- 1 средна тиквичка
- 125гр моцарела
- Сол, Зачини по вкус, оригано, мајчина душичка..
- За поховање
- 2 јајца
- брашно
- Презла и сусам
- Масло за пржење
Подготовка
Предлог за вкусно, декоративно предјадење е мојот денешен рецепт.
Подготовка:
1. Прво измиената тиквичка со помош на алатка ја сечиме на многу танки ленти. Ги редиме врз хартиени салфетки. Ќе добиеме од 10 до 12 ленти, значи за 5 или 6 пакетчиња. Моцарелата ја сечиме на 5 или 6 парчиња.
2. Сега земаме 2 ленти тиквичка. Ги поставуваме вкрстени. Во средината ставаме парче моцарела и зачини по вкус. Формираме пакетче со преклопување на лентите. Ги прицврстуваме со чепкалки за да не се отворат. Вака подготвени нека отстојат 5 минути врз хартиени салфетки.
3. Сега прво ги обложуваме во брашно, па во јајце и соединети презла и сусам. Ги пржиме на умерен оган од двете страни да заруменат. Ги редиме на хартиени салфетки. Сервираме вкусно, топло предјадење.